თამარიუნი
სრულყოფილი განათლება და პრაქტიკა თანამედროვე სტანდარტებით
ბიოსამედიცინო და საბუნებისმეტყველო მეცნიერებები და ჯანდაცვის ფაკულტეტი
- პროგრამა - საზოგადოებრივი ჯანმრთელობა, ჯანდაცვის პოლიტიკა, ბიოეთიკა
- პროგრამა - ბიოფარმაცია
ხელოვნების, სოციალურ და ჰუმანიტარულ მეცნიერებათა ფაკულტეტი
- პროგრამა - თურქეთისმცოდნეობა
მაგისტრატურა არის უნივერსიტეტის ფაკულტეტის აკადემიური უმაღლესი განათლების მეორე საფეხურის საგანმანათლებლო პროგრამა, რომელიც შეიცავს სამეცნიერო კვლევის ელემენტებს და მიზნად ისახავს ბაკალავრის შემდგომი დონის სპეციალისტის ან/და მკვლევარის მომზადებას, აგრეთვე პირს ამზადებს მიღებული კვალიფიკაციით მუშაობისათვის.
მაგისტრატურაზე სწავლის მიზნებია სამეცნიერო-კვლევითი მუშაობისა და უმაღლეს საგანმანათლებლო დაწესებულებაში პედაგოგიური მოღვაწეობისათვის მომზადება, კვალიფიკაციის ამაღლება, სპეციალობის შეცვლა და უმაღლესი განათლების პირველ საფეხურზე უფრო მაღალი დონის პროფესიულ მომზადებასთან ერთად, სასწავლო დისციპლინების თეორიული ასპექტების შედარებით ღრმა ათვისებითა და სამეცნიერო კვლევითი ხასიათის პროგრამებით, პირის დოქტორანტურაში შემდგომი სწავლისათვის მომზადება.
მაგისტრატურის ამოცანებია სტუდენტზე ორიენტირებული სასწავლო გარემოს შექმნა, ევროპულ საგანმანათლებლო სივრცეში მისი ინტეგრირება და დამსაქმებლის მოთხოვნებზე გათვლილი აკადემიური პროგრამების შემუშავება და პროფესიული საქმიანობისათვის სტუდენტის მომზადება.
მაგისტრატურაში სწავლის უფლება აქვს არანაკლებ ბაკალავრის ან მასთან გათანაბრებული აკადემიური ხარისხის მქონე პირს.
უნივერსიტეტის ფაკულტეტის მაგისტრატურაში მიღების, სწავლისა და მაგისტრის აკადემიური ხარისხის მინიჭების წესი განისაზღვრება საქართველოს სახელმწიფოს ნორმატიული აქტებითა და უნივერსიტეტის წესდებით.
უნივერსიტეტის ფაკულტეტის მაგისტრატურის საგანმანათლებლო პროგრამის დასრულების შემდეგ მისანიჭებელი კვალიფიკაციის სახელწოდება მოიცავს ტერმინს „მაგისტრი“ შესაბამისი მიმართულების, დარგის/სპეციალობის ან/და ქვედარგის/სპეციალიზაციის მითითებით. სტუდენტის მიერ სამაგისტრო პროგრამა ითვლება დასრულებულად, თუ მან მოაგროვა საგანმანათლებლო პროგრამით გათვალისწინებული კრედიტები და დადგენილი წესით მიენიჭა მაგისტრის აკადემიური ხარისხი.
ბიოსამედიცინო და საბუნებისმეტყველო მეცნიერებებისა და ჯანდაცვის ფაკულტეტი
- პროგრამა - საექთნო საქმე
- პროგრამა - საზოგადოებრივი ჯანდაცვა
- პროგრამა - ფარმაცია
- პროგრამა - ფიზიკური მედიცინა და რეაბილიტაცია
ხელოვნების, სოციალურ და ჰუმანიტარულ მეცნიერებათა ფაკულტეტი
- პროგრამა - ფსიქოლოგია
ბაკალავრიატი არის უნივერსიტეტის ფაკულტეტის აკადემიური უმაღლესი განათლების პირველი საფეხურის საგანმანათლებლო პროგრამა, რომელიც ითვალისწინებს შესაბამისი სპეციალობ(ებ)ის თეორიული საფუძვლების სწავლებას, რაც აუცილებელია მაგისტრატურაში შემდგომი სწავლისათვის ან/და მიღებული კვალიფიკაციით მუშაობისათვის.
ბაკალავრიატზე სწავლის მიზანია სრულ ზოგად განათლებაზე უფრო მაღალი დონის პროფესიულ მომზადებასთან ერთად, სასწავლო დისციპლინების თეორიული ასპექტების შედარებით ღრმა ათვისება, რაც კვლევითი ხასიათის პროგრამებით ამზადებს პირს მაგისტრატურაზე შემდგომი სწავლისა და მუშაობისათვის საქართველოს კანონმდებლობით დადგენილი შეზღუდვების გათვალისწინებით.
ბაკალავრიატის ამოცანებია სტუდენტზე ორიენტირებული სასწავლო გარემოს შექმნა, არსებულ მოთხოვნებზე გათვლილი აკადემიური პროგრამების შემუშავება და პროფესიული საქმიანობისათვის სტუდენტის მომზადება.
ბაკალავრიატში სწავლის უფლება აქვს მხოლოდ სრული ზოგადი განათლების დამადასტურებელი სახელმწიფო სერტიფიკატის მფლობელს ან მასთან გათანაბრებულ პირს.
უნივერსიტეტის ფაკულტეტის ბაკალავრიატში მიღების, სწავლისა და ბაკალავრის აკადემიური ხარისხის მინიჭების წესი განისაზღვრება საქართველოს სახელმწიფოს ნორმატიული აქტებითა და უნივერსიტეტის წესდებით.
უნივერსიტეტის ფაკულტეტის ბაკალავრიატის საგანმანათლებლო პროგრამის დასრულების შემდეგ მისანიჭებელი კვალიფიკაციის სახელწოდება მოიცავს ტერმინს „ბაკალავრი“ შესაბამისი მიმართულების ან/და დარგის/სპეციალობის მითითებით. სტუდენტის მიერ საბაკალავრო პროგრამა ითვლება დასრულებულად, თუ მან მოაგროვა საგანმანათლებლო პროგრამით გათვალისწინებული კრედიტები და დადგენილი წესით მიენიჭა ბაკალავრის აკადემიური ხარისხი.