ხელოვნების, სოციალურ და ჰუმანიტარულ მეცნიერებათა ფაკულტეტი
- პროგრამა - ხელოვნებათმცოდნეობა | ხელოვნების ისტორია
- პროგრამა - ქრისტიანობის ისტორია
- პროგრამა - ფსიქოლოგია
დოქტორანტურა არის უნივერსიტეტის ფაკულტეტის აკადემიური უმაღლესი განათლების მესამე საფეხურის საგანმანათლებლო პროგრამა, სასწავლო და სამეცნიერო-კვლევითი კომპონენტების ერთობლიობა, რომელიც მიზნად ისახავს სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით.
უნივერსიტეტი უზრუნველყოფს ფაკულტეტის დოქტორანტურის სტუდენტს სამეცნიერო ხელმძღვანელით, უქმნის პირობებს სამეცნიერო კვლევაზე ორიენტირებული სამუშაოს ჩასატარებლად, რომელიც უნდა მოიცავდეს დასაბუთებულ თეორიულ ან/და ექსპერიმენტულ შედეგებს, ხელს უწყობს დოქტორანტის ინტეგრაციას მსოფლიო სამეცნიერო საზოგადოებაში.
დოქტორანტურაში სწავლის უფლება აქვს არანაკლებ მაგისტრის ან მასთან გათანაბრებული აკადემიური ხარისხის მქონე პირს.
უნივერსიტეტის ფაკულტეტის დოქტორანტურაში მიღების, სწავლისა და დოქტორის აკადემიური ხარისხის მინიჭების წესი განისაზღვრება საქართველოს სახელმწიფოს ნორმატიული აქტებით, ამ წესდებითა და უნივერსიტეტის რექტორის ინდივიდუალურ-სამართლებრივი აქტით.
უნივერსიტეტის ფაკულტეტის დოქტორანტურის დასრულებისა და დისერტაციის დაცვის შემთხვევაში დოქტორანტს ენიჭება აკადემიური ხარისხი, რომლის სახელწოდება მოიცავს ტერმინს „დოქტორი“ შესაბამისი მიმართულების ან/და დარგის/სპეციალობის მითითებით. დოქტორის აკადემიურ ხარისხს ანიჭებს სადისერტაციო საბჭო, შესაბამისი დებულების მოთხოვნათა დაცვით.