🌠🎄💖ქრისტეშობას მოგილოცავთ!
🌠🎄💖 ვიხაროთ!
🌠🎄💖 ამ შეუდარებელ სიხარულში შევუერთდეთ მთელ სამყაროს - ვარსკვლავებს, რომელთაგან ერთს ერგო ბედნიერება, ამობრწყინებულიყო იმ სასწაულებრივ ღამეს, ცას, რომელზედაც ეს ვარსკვლავი იხილეს მოგვებმა და საიდანაც ანგელოზთა გალობა მოისმა, იმ ველს, მწყემსებს რომ უფლის შობის ამბავი ეუწყათ, აღმოსავლეთიდან წმინდა მიწისკენ მიმავალ გზებსა და ბილიკებს, რომელთაც მოგვები იუდეის მეფემდის და იქიდან ბეთლემამდის მიიყვანეს, იმ გამოქვაბულს, წმინდა ოჯახი რომ შეიფარა, მანამდის კი შინაური ცხოველები, რომელთათვის იქ ბაგა მოეწყოთ ადამიანებს!
🌠🎄💖 სიხარულში შევუერთდეთ მთელ სამყაროს, რომელსაც თავისი შემოქმედი ღმერთი იმ დღეს ახალშობილ ღვთაებრივ ყრმად მოევლინა, რითაც განაცვიფრა და ამ საკვირველებასთან ერთად იმისთანა გარეშემოუწერელი სიხარულით აავსო, რომ ეს ზეციური სიხარული დღესაც ისევე ავსებს ჩვენს გულებს, როგორც ამ 2023 წლის განმავლობაში ავსებდა მილიონობით გულს, სადაც არ უნდა ეძგერა, როგორი მწუხარებაც არ უნდა ჰქონოდა გადატანილი და როგორ სიცივეშიც არ უნდა შეხვედროდა ქრისტეშობის დღსასწაულს.
🌠🎄💖 მრავალს დაესწარით!