საქართველოს რადიოს (პირველი რადიოს) ეთერში ხათუნა კობერიძის გადაცემის "სი ბემოლ ვიტამინის" სტუმარი გახლდათ თამარ მეფის უნივერსიტეტის რექტორი არქიმანდრიტი ადამ ვახტანგ ახალაძე.
"მუსიკა უპირველეს ყოვლისა ჩვენგან, ყველასგან დამოუკიდებლად არსებული სამყაროა, დიდ სამყაროსთან ერთად რომ შეიქმნა. ის გამსჭვალავს ყველას და ყველაფერს და მნიშვნელობა იმას აქვს, ანუ ჩვენ იმაზე ვმსჯელობთ, თუ რისი აღქმა შეგვიძლია", - ამბობს მამა ადამი და საუბრობს ბახის, ფრანკის, მალერის და სხვა კომპოზიტორების მუსიკაზე; სვიატოსლავ რიხტერის, გლენ გულდის, ემილ გილელსის, მონსერატ კაბალიეს, ხოსე კარერასის შემოქმედებით კარიერაზე; ფრენკ სინატრასა და კახურ მრავალჟამიერზე.