შეხვედრა ქალაქ აშდოდის ვიცე მერთან
დავით ბააზოვის სახელობის ქართულ-ებრაულ ურთიერთობათა ისტორიის მუზეუმმა და მსოფლიოს ქართველ და ებრაელ ქალთა ასოციაციამ "ესთა" (პრეზიდენტი ქ-ნი ევა ბაბალაშვილი) გამართა "მეგობრობის საღამო" - შეხვედრა ქ. აშდოდის ვიცე-მერთან და ქართველ ებრაელთა კულტურის ცენტრის ხელმძღვანელთან, ბ-ნ მოშე ბოთერაშვილთან და მის მეუღლესთან ქ-ნ მაიასთან.
შეხვედრას ესწრებოდნენ ისრაელის საგანგებო და სრულუფლებიანი ელჩი საქართველოში - ბ-ნი შაბთაი ცური, პროტოპრესვიტერი გიორგი ზვიადაძე, საქართველოს კულტურისა და სპორტის მინისტრი ბ-ნი მიხეილ გიორგაძე, საქართველოს განათლებისა და მეცნიერების მინისტრი ბ-ნი მიხეილ ჩხენკელი, საქართველოს მეცნიერებათა ეროვნული აკადემიის ვიცე-პრეზიდენტი ბ-ნი როინ მეტრეველი, ქ. თბილისის ყოფილი მერი ბ-ნი დავით ნარმანია, ქართული და ებრაული შემოქმედებითი, სამეცნიერო და საზოგადოებრივი ორგანიზაციების თვალსაჩინო წარმომადგენლები. ღონისძიებაში მონაწილეობდნენ ჩვენი უნივერსიტეტის რექტორი არქიმანდრიტი ადამი და საქმისწარმოებისა და ინფორმაციული უზრუნველყოფის სამსახურის კურატორი ირინე ბიბილეიშვილი.
