ამბავი 19–22.04.2012 სრულად

24 აპრილი 2012

სამედიცინო სამართალი და ბიოეთიკა: საერთაშორისო კონგრესის თემები

    ჩვენი უნივერსიტეტის რექტორმა არქიმანდრიტმა ადამმა მონაწილეობა მიიღო კიევში ა. წ. 19–22 აპრილს გამართულ საერთაშორისო კონგრესში, რომელიც სამედიცინო და ფარმაცევტული სამართლის, ბიოეთიკისა და სოციალური პოლიტიკის აქტუალურ საკითხებს მიეძღვნა. კონგრესის მუშაობაში მონაწილეობის მისაღებად ჩამოვიდნენ 19 ქვეყნის წარმომადგენლები – სამედიცინო სამართლისა და ბიოეთიკის აღიარებული სპეციალისტები.

    საორგანიზაციო კომიტეტის თხოვნით მამა ადამმა წარმოადგინა ორი მოხსენება. 19 აპრილს გამართულ პლენარულ სხდომაზე იგი წარსდგა მოხსენებით „ბიოეთიკური ანთროპოლოგიის კონცეფცია და სუროგატული ოჯახური პარადიგმა“, ხოლო 20 აპრილს ასევე პლენარულ სხდომაზე წაიკითხა კიდევ ერთი მოხსენება – „თანამედროვე ხელოვნური რეპროდუქციული ტექნოლოგიების ეთიკური პრობლემები“.