„კარიტასის“ თურქეთის ორგანიზაციის ხელმძღვანელის ვიზიტი
უნივერსიტეტს სტუმრად ეწვია საერთაშორისო საქველმოქმედო ორგანიზაცია „კარიტასის“ თურქეთის ორგანიზაციის დირექტორი, დოქტორი რინალდო მარმარა.
სტუმარი შეხვდა უნივერსიტეტის რექტორს არქიმანდრიტ ადამს, კანცლერს ნატო ასათიანს და ადმინისტრაციის სხვა წარმომადგენლებს.
შეხვედრა საქმიანი ფორმატით წარიმართა, საუბარი შეეხო სამომავლო გეგმებსა და თანამშრომლობის პერსპექტივებს – ერთობლივ პროექტებს საქართველოს კულტურული მემკვიდრეობის, ისტორიის, ეთნოლოგიისა და სხვა სამეცნიერო სფეროებში.
