ონლაინ პრემიერა მამა ადამის პერფორმანსისა -
"მე რომ ხელი ახლა შემახოს აწმყომ"
წმინდა თამარ მეფის უნივერსიტეტის მულტიმედიური სტუდია მირკანის ორგანიზებით შედგა საერთაშორისო ონლაინ პრემიერა მამა ადამის პერფორმანსისა - "მე რომ ხელი ახლა შემახოს აწმყომ". ეს პერფორმანსი ჩატარდა სამეფო უბნის თეატრში 2015 წელს. პრემიერაზე გაიმართა ოფიციალური შეხვედრა სტუდია მირკანის ადმინისტრაციასა და უნივერსიტეტის რექტორთან. შეხვედრაზე განიხილებოდა ლიტერატურულ-მუსიკალური პერფორმანსების ვიზუალიზაციის სამომავლო მეთოდები და დაიგეგმა უკვე ჩატარებული პერფორმანსების ვიდეო კრებულის გამოცემა, რომელშიც თემატურად იქნება ორგანიზებული ყველა პერფორმანსი და სათანადო საინფორმაციო-სასაჩუქრე ბროშურა-წიგნებიც დაერთვება თან. უნივერსიტეტის რექტორმა არქიმანდრიტმა ადამმა დალოცა სტუდია მირკანის შემოქმედებითი ჯგუფი და წარმატებები უსურვა.