თამარ მეფის უნივერსიტეტის რექტორი, კანცლერი და ადმინისტრაცია
უნივერსიტეტის მეგობრებთან და მხარდამჭერებთან ერთად
ტრადიციულ წინასაშობაო შეხვედრაზე შეიკრიბნენ.
ახალი წელი და დამდეგი ქრისტეშობა მამა ადამმა მოგვილოცა და მერე იმაზე ისაუბრა, თუ როგორ ხედავს ჩვენი უნივერსიტეტის ცხოვრებას ახალ 2018 წელს.
სიტყვით გამოვიდნენ ქალბატონი ნატო ასათიანი, ბატონი გია სულაბერიძე.
დღესასწაულები უნივერსიტეტს მიულოცეს და წარმატებები უსურვეს მოწვეულმა სტუმრებმა – უნივერსიტეტის მეგობრებმა: პოეტმა ემზარ კვიტაიშვილმა, წმიდა თამარ მეფის სახელობის მონასტრის მონოზონმა ქიონია ბრეგვაძემ, ბავშვთა და ახალგაზრდობის ეროვნული ცენტრის დეპარტამენტის ხელმძღვანელმა ბელა სარიამ, სოციალურ მეცნიერებათა დოქტორმა, აფხაზეთის განათლებისა და კულტურის მინისტრის მოადგილემ ქალბატონმა ბელა კოპალიანმა.
შეხვედრაზე მონაწილეებმა მიიღეს ერთობლივი კომუნიკეს ტექსტი პარტნიორული პროექტების განხორციელების სტრატეგიაზე.
