სტუდენტური საახალწლო საღამო
2012 წლის 28 დეკემბერს საქართველოს საპატრიარქოს წმიდა თამარ მეფის სახელობის სასწავლო უნივერსიტეტის საკონფერენციო დარბაზში შობა-ახალი წლის დღესასწაულთან დაკავშირებით ჩატარდა სტუდენტების შეხვედრა. ღონისძიება ჩატარდა სტუდენტების ინიციატივითა და უნივერსიტეტის კულტურის და სპორტის სამსახურის მხარდაჭერით. საღამო შემოქმედებითი ფორმატით წარიმართა და მთლიანად იმპროვიზებული იყო სტუდენტების მიერ. ღონისძიებაზე მოწვეულნი იყვნენ უნივერსიტეტის რექტორი, არქიმანდრიტი ადამი, მსახიობები მანანა სურმავა და მაკა შალიკაშვილი, კინომცოდნე და რეჟისორი თამარ დულარიძე, უნივერსიტეტის ადმინისტრაციის წარმომადგენელნი და პროფესორ-მასწავლებლები.
.JPG)
დამსწრე საზოგადოების წინაშე სიტყვით წარსგნენ: უნივერსიტეტის სრული პროფესორი, ქალბატონი მანანა ტუსკია, თამარ დულარიძე, მსახიობი და ტელეწამყვანი მაკა შალიკაშვილი. მათ ისაუბრეს პოეზიაზე, თანამედროვე ლიტერატურაზე და ზოგადად ხელოვნების როლზე ადამიანის სულიერ ფორმირებაში. სტუდენტებმა წაიკითხეს ლექსები მამა ადამის კრებულიდან: „მარადისობის მონატრება შებინდებისას“, რომელიც სულ ახლახან წარედგინა საზოგადოებას. დამსწრე საზოგადოების თხოვნით მამა ადამის ლექსები წაიკითხეს მსახიობებმა: მაკა შალიკაშვილმა და მანანა სურმავამ.
.JPG)
.JPG)
ღონისძიების მიწურულს მამა ადამმა დალოცა სტუ–დენები, მიულოცა დამდეგი შობა–ახალი წელი და საჩუქრად გადასცა საქართველოს სიმებიანი კვარტეტისა და ვალერიან შიუკაშვილის (ფორტეპიანო) საახალწლო კონცერტის მოსაწვევები, სადაც შესრულდა სკარლატის, შოპენის, ბრამსის, პუჩინის, მენდელსონისა და შუმანის ნაწარმოებები.
პოეზიის საღამოს მეორე ნაწილში გაიმართა საახალწლო ფურშეტი, სადაც სტუდენტებს საშუალება მიეცათ არაფორმალურ გარემოში განეხილათ პოეზიის საღამოზე წაკითხული ლექსები და მიელოცათ ერთმანეთისთვის დამდეგი შობა-ახალი წელი.