საზოგადოებრივი მაუწყებლის პირველი რადიო, გადაცემა "ღია სტუდია"
საზოგადოებრივი მაუწყებლის პირველი რადიო, გადაცემა "ღია სტუდია" მიეძღვნა საქართველოს საპატრიარქოს წმიდა თამარ მეფის სახელობის სასწავლო უნივერსიტეტის მიერ და რუსთაველის ფონდის დაფინანსებით ორგანიზებულ საერთაშორისო კონფერენციას: „საქართველო და თურქეთი: კულტურულ ურთიერთობათა ისტორია, დღევანდელობა და პერსპექტივები“, რომელიც მიეძღვნა აჰმედ ოზქან მელაშვილის დაბადებიდან 90 წლისთავს.
გადაცემაში მონაწილეობდნენ ჩვენი უნივერსიტეტის პროფესორები ბატონები გია სულაბერიძე და ზაზა წურწუმია.
გადაცემაში ფართოდ გაშუქდა კონფერენციის მნიშვნე–ლობა თურქეთსა და საქართველოს შორის სამეცნიერო და კულტურული კავშირურთიერთობების გაღრმავების, თურქეთელი ქართველების ეთნიკური იდენტობის შენარჩუნებისა და განვითარების თვალსაზრისით.
გადაცემის მონაწილეებმა აღნიშნეს კონფერენციის მაღალი სამეცნიერო დონე, რომელმაც შესაძლებლობა მოგვცა დაგვემყარებინა ახალი და საინტერესო სამეცნიერო კონტაქტები, დაგვესახა თურქ მეცნიერებთან ერთობლივი მუშაობის გეგმები თურქეთის ქართველობის სულიერი და მატერიალური კულტურის კვლევისათვის.
