ჩვენებურები სტუმრად კათოლიკოს პატრიარქთან
24 ივნისს საქართველოს კათოლიკოს პატრიარქმა აჰმედ ოზქან მელაშვილის დაბადებიდან 90 წლისთავისადმი მიძღვნილი საერთაშორისო სამეცნიერო კონფერენციის მონაწილეებს უმასპინძლა. საპატრიარქოს სტუმრობდნენ აჰმედ ოზქან მელაშვილის ოჯახის წევრები, თურქი და ქართველი მეცნიერები და საზოგადო მოღვაწენი, რომლებიც ქართული-თურქული ურთიერთობების სფეროში მოღვაწეობენ, უნივერსიტეტის ადმინისტრაციის წარმომადგენელნი და პროფესორ-მასწავლებლები.
.JPG)
ღონისძიების ორგანიზატორმა, წმინდა თამარ მეფის სახელობის სასწავლო უნივერსიტეტის რექტორმა, არქიმანდრიტმა ადამმა შეხვედრაზე კონფერენციის მონაწილენი და მათი სამეცნიერო ნამუშევრები წარადგინა. მან ისაუბრა იმ კვლევების მნიშვნელობაზე, რომელიც საჭიროა ამ ორი ქვეყნის კეთილმეზობლური ურთიერთობისათვის.
კათოლიკოს პატრიარქმა დალოცა ჩვენებურები, მოიგონა აჰმედ მელაშვილი და საქართველოს ფარგლებს გარეთ მცხოვრები ქართველების ღვაწლზე ისაუბრა: „ქართული სული უნდა ჩაუნერგოთ თქვენს შვილებს და ხშირად ჩამოიყვანეთ ისინი საქართველოში, აქ თქვენი ფესვებია, აქ თქვენი მამა-პაპანი არიან, აქ იმათი მადლია“ - მიმართა მან თურქეთელ ქართველებს.
.JPG)
აჰმედ ოზქან მელაშვილის დაბადებიდან 90 წლისთა-ვისადმი სამეცნიერო კონფერენცია 22 და 23 ივნისს ჩატარდა წმინდა თამარ მეფის უნივერსიტეტის ორგანიზებითა და შოთა რუსთაველის ეროვნული სამეცნიერო ფონდის დაფინანსებით, აგრეთვე საქართველოს პარლამენტის ეროვნული ბიბლიოთეკისა და საქართველოს ეროვნული მუზეუმის მხარდაჭერით. კონფერენციის თემა იყო: საქართველო-თურქეთის კულტურულ ურთიერთობათა ისტორია, დღევანდელობა და პერსპექტივები.