შეხვედრა ქართველ ებრაელ მწერალთან – იზოლდა კრიხელთან
24 მაისს დავით ბააზოვის სახელობის ქართულ-ებრაულ ურთიერთობათა ისტორიის მუზეუმში ჩატარდა შეხვედრა ცნობილ ქართველ ებრაელ მწერალთან, ქ-ნ იზოლდა კრიხელთან და მისი წიგნის – „სურამული სიზმარ-ცხადი" (თელ-ავივი, 2017) წარდგინება ქართული საზოგადოების წინაშე.
მუზეუმის დირექტორმა, ბატონმა გივი ღამბაშიძემ საზოგადოებას გააცნო ექსპოზიციები და საქართველოს ებრაელთა და ქართულ-ებრაულ ურთიერთობათა ისტორიაზე ისაუბრა.
წიგნის ავტორმა და ქართული და ებრაული საზოგადოებების წარმომადგენლებმა ვრცლად ისაუბრეს წიგნის მხატვრულ და მეცნიერულ ღირებულებაზე და ავტორს უსურვეს შემდგომი შემოქმედებითი წარმატებანი.
უნივერსიტეტის სახელით ქ-ნ იზოლდა კრიხელს მიესალმა არქიმანდრიტი ადამი, მან ისაუბრა ახალი წიგნის მნიშვნელობაზე, უნივერსიტეტში ახლად დაარსებულ შიმონ პერესის სახელობის სასწავლო სამეცნიერო ცენტრზე და იმ სამეცნიერო სამუშაოზე, რომელსაც ითვალისწინებს ახლად იმპლემენტირებული სადოქტორო კვლევები.
