პროფესორ სერგო ვარდოსანიძის საჯარო ლექცია
ამ არაჩვეულებრივი ლექციის მსმენელებმა დღეს კიდევ ერთხელ გაიაზრეს, თუ რა მძიმე იყო საქართველოს ეკლესიის გზა უკანასკნელი ერთი საუკუნის განმავლობაში. ბატონმა სერგომ ჩვეული ორატორული ტალანტით შეძლო მთლიანად დაეპყრო მსმენელის ყურადღება საათ-ნახევრის განმავლობაში.
სტუმარი დამსწრე სტუდენტებს, პროფესორ–მასწავლებლებსა და უნივერსიტეტის სტუმრებს წარუდგინა რექტორმა, არქიმანდრიტმა ადამ ახალაძემ: „არა მხოლოდ ეკლესიის ისტორიის მკვლევარი, არამედ ამ ისტორიის უმნიშვნელოვანესი მოვლენების მოწმე, აღმწერელი, ეკლესიის გულშემატკივარი, ერის ქომაგი და მამულიშვილი – აი, რატომ არის ბატონი სერგოს თითოეული ნარატივი საქართველოს ეკლესიის ისტორიიდან უაღრესად საინტერესო და შეუდარებელი“.
გამოითქვა აზრი, ორ უნივერსიტეტს შორის ურთიერთთანამშრომლობის განვითარების აუცილებლობის შესახებ.
„საქართველოს ეკლესია. ისტორიის ბოლო ასი წელიწადი“ – ასეთი იყო ლექციის თემა.
