ამბავი 14.11.2011 სრულად

12 დეკემბერი 2011

იერუსალიმის ენ კარემის დედათა მონასტრის წინამძღვრის იუბილე

     14   ნოემბერს  დაბადებიდან  80   წელი  შეუსრულდა საქართველოს დიდ მეგობარს, იერუსალიმის ენ კარემის დედათა მონასტრის წინამძღვარს იღუმენია გიორგიას. იგი მრავალგზის ყოფილა საქართველოში სტუმრად, სადაც მას დიდი ქრისტესმიერი სიყვარული და მეგობრობა აკავშირებს მრავალ სასულიერო პირთან.
     საიუბილეო ღონისძიებებში საქართველოს საპატრიარქოს სახელით მონაწილეობის მისაღებად წმინდა მიწაზე გაემგზავრა არქიმანდრიტი ადამი, რომელმაც იუბილარს გადასცა სრულიად საქართველოს კათოლიკოს–პატრიარქის მისალოცი ადრესი და საჩუქარი.

     მამა   ადამმა   მონაწილეობა  მიიღო სადღესასწაულო წირვებში მაცხოვრის საფლავსა და დედათა მონასტრის ყოველთა წმიდათა სახელობის ტაძარში. იმავე საღამოს გაიმართა ოფიციალური მიღება იერუსალიმის სასტუმრო „ნოტრ–დამში“.

     საიუბილეოდ ჩამოსულ სტუმრებს საშუალება ჰქონდათ რამდენიმე დღის განმავლობაში მოელოცათ წმინდა ადგილები: ბეთლემი, მწყემსთა ველი, სინას მთა, ნაზარეთი, იერიქონი, ტიბერია, გერასიმე იორდანელის უდაბნო და სხვ.