- Details
- Written by: irakli
- Category: ახალი ამბები
- Hits: 481
წიგნის საჯაროდ კითხვის საერთაშორისო დღესთან დაკავშირებით 6-7 წლის ასაკის ბავშვებისთვის. გაიმართა გრანდიოზული მარათონი. ღონისძიების ორგანიზებასა და წარმართვაში საქართველოს გამომცემელთა ასოციაციასთან ერთად მონაწილეობას ღებულობდა თამარიუნის ვიცე-რექტორი პროფესორი ბელა სარია, უნივერსიტეტის მაგისტრი, „დიასპორების ალიანსი საქართველოსათვის“ დამფუძნებელი ქალბატონი თინათინ სვანიძე-ვენკო და უნივერსიტეტის მეგობართა დარბაზის წევრი, გამომცემლობა „შემეცნების" დამფუძნებელი პროფესორი ლია შალვაშვილი.
კითხვის მარათონში ჩაერთვნენ ცხინვალის ბუფერული ზონისა და აფხაზეთის ოკუპირებული ტერიტორიების სკოლები და საბავშვო ბაღები, ასევე ჩვენი ისტორიული ჰერეთისა და უცხოეთის ქვეყნებში ქართველთა დიასპორების საკვირაო სკოლების აქტიური წევრები. ქალბატონმა ბელამ პატარებს წაუკითხა ჭაბუა ამირეჯიბის ზღაპარი „თაფლის წვეთი", ქალბატონმა ლიამ კი თავისი საავტორო მოთხრობა გააცნო მსმენელებს. პატარების გვერდით იმყოფებოდნენ ამ დღის ორგანიზებაში აქტიურად ჩართული მათი მასწავლებლები: ჰერეთიდან ბატონი კოტე ბარიხშნილი, აფხაზეთიდან ქალბატონოი ნონა შონია, ტანძიიდან ნანა გუჟეჯიანი, წნორიდან თამთა კუსრასვილი, ტირძნისიდან მანანა ხმიადაშვილი, ერგნეთიდან ერგნეთის საჯარო სკოლის დირექტორი ემზარ მამისაშვილი. სამაჩაბლოს რეგიონის წარმომადგენელი ქალბატონი მაკა მიდოდაშვილი.
უღრმესი მადლობა ყველა იმ ადამიანს, რომელთაც ესოდენ დიდი შრომა გასწიეს და ასე ერთგულად,ასეთი პასუხისმგებლობით შეასრულეს დაკისრებული საქმე.
